قـصـة ( صــمــت الـمشاعــر ) الحلقة ( 9 ) .. بقلم / روئ

 قـصـة

( صــمــت الـمشاعــر )

الحلقة ( 9 )

روحت مريم وهبه وهما فالطريق فى حدا شافوه بالصدفه ياترى مين الشخص دا ؟؟؟

شافت هبه منى اخت محمد اللى كانت مرتبطه بيه طبعا سلمت عليها

منى : ازيك ياهوبا عامله ايه

هبه : الحمدالله بخير وانتى عامله ايه

منى : الحمدالله بخير ايه اخبارك مش بتتصلى ليه

هبه : يعنى مش فاضيه الايام دى وكدا

منى : مش فاضيه ولا مش عايزه تكلمينى

هبه : ليه يعنى

منى : يعنى عشان انتى ومحمد سبتوا بعض

هبه : لا عادى انا قريب هكلمك عشان تحضرى خطوبتى

منى : بجد انتى هتتخطبى

هبه : اه قريب ان شاء الله

منى : اه الف مبروك ربنا يوفقك

هبه : ربنا يخليكى وعقبالك

منى : فى حياتك ياحبيبتى

هبه : انا همشى بقا عشان صاحبتى وكدا

منى : ماشى سلام

هبه : مع السلامه

مريم : ليه قولتلها ان خطوبتك قريب

هبه : انتى سمعتى

مريم : اه صوتك كان عالى

هبه : عادى عشان تعرف ان اخوها مش فبالى

مريم : يا اسلام افرضى شافتك تانى ومش لاقيتك مخطوبه ايه لازمته تكدبى عليها

هبه : عادى هقولها قريت فاتحه وهوريها الخاتم وانا عندى خواتم كتير

مريم : دا انتى مجنونه ربنا يهديكى يابنتى

هبه : ههههههههههه يارب يا اختى

روحت مريم البيت وكان ساعتها اخوها الكبير بيحضر للخطوبه بتاعته وفضلت اكتر من اسبوع بيحضروا للفرح

فى يوم يتصل رقم غريب بمريم ورقم خاص

طلع اللى بيتصل بمريم سلمى خاطيبت احمد

مريم : السلام عليكم

سلمى : وعليكم السلام

مريم : مين حضرتك

سلمى : انا سلمى خطيبت احمد

مريم : اهلا بيكى ازيك ياسلمى

سلمى : الحمدالله بخير انتى عامله ايه

مريم :الحمدالله انتى عامله ايه

سلمى : الحمدالله بخير

مريم : اخدتى رقمى من احمد

سلمى : اه اصله بيشكر فيكى وكدا قولت اتعرف عليكى

مريم : ربنا يخليكى هتتجوزوا امتى بقا عايزه احضر الفرح

سلمى : ان شاء الله قريب

مريم : ربنا يوفقكم ويسعدكم ويكمل حبكم على خير

سلمى : ربنا يخليكى عايزه حاجه منى ياقمر

مريم : لا شكرا ياحبيبتى تسلميلى

سلمى : سلام

مريم : سلام

قفلت سلمى مع مريم واتارى احمد كان مع سلمى

احمد : ارتاحتى لما كلمتيها ولا لا

سلمى : هيا كويسه وعامله تدعيلى انا وانت بس برده ازاى تبعتلك رسايل رومانسيه كدا

احمد : يابنتى افهمى هبه كانت قالتلها انها تبعت الرسايل دى عشان انا ابعتهالك

انتى مش عشان سواد عيونى افهمى بقا

سلمى : وانا مش مقتنعه بالكلام دا تلاقى هبه قالتلها كدا عشان مش عايزنى ليك

هيا دايما بتكرهنى

احمد : سلمى البنت محترمه جدا وبنت ناس واستحاله تعمل اللى فى دماغك دا

سلمى: ماشى خلاص اقفل على الموضوع دا

احمد : ماشى

احمد حس ان مريم استغربت من مكالمه سلمى ليها راح بعت لمريم رساله

نص الرساله هيا

ازيك يامريم عامله ايه سلمى كانت هتموت وتتعرف عليكى ومبسوطه جدا عشان كلمتك

ردت عليه مريم برساله وقالتله

انا كمان مبسوطه جدا ربنا يوفقكم يارب مع بعض

رد عليها احمد وقالها

ربنا يخليكى ويفرح قلبك

عدى 3 ايام على الكلام دا واتصلت مريم بكل اصحابها عشان تعزمهم على خطوبة اخوها الكبير

وطبعا كل اصحابه اللى فالمعهد البنات هيحضروا الفرح لكن صاحبتها شيماء وهبه لا لان

هبه مامتها كانت تعبانه وشيماء والدها رفض انها تروح الفرح

وطبعا الفرح كان فالعيد ونزلت مريم تشترى بعض الحاجات اتصل بيها احمد

مريم : ازيك يااحمد عامل ايه

احمد : الحمدالله بخير انتى عامله ايه

مريم : الحمدالله

احمد : مريم متعرفيش فى ايه عندنا

مريم : فى ايه عندكم مش فاهمه

احمد : اصل صوت هبه وماما متغير وانا قلقان عليهم وحاسس ان فى حاجه

مريم : لا مافيش حاجه ان شاء الله انا لسه مكلمها هبه اول امبارح وكان مافيش حاجه

احمد : طب معلش ممكن تكلميها دلوقتى وتعرفيلى فى ايه معلش يمكن هما خايفين يقولولى

مريم : حاضر هكلمها واتصل بيك

احمد : ماشى سلام

مريم : سلام

قفلت مريم واتصلت بهبه عشان تعرف فى ايه

مريم : فى ايه يابنتى عندكم

هبه : فى ايه

مريم : احمد اتصل بيا وقالى انه حاسس بحاجه غريبه عندكم

هبه : ماما عملت عمليه وكدا واحنا مش عايزين نقوله عشان مش يقلق وينزل فهمتى

مريم : الف سلامه عليه طب واقوله ايه دلوقتى

هبه : طمنيه وقوليله ان مافيش حاجه خالص

مريم : ماشى هطمننه

قفلت مريم واتصلت باحمد

مريم : ايوة يااحمد

احمد : ايه طمنينى

مريم : مافيش حاجه هما بس كانوا نايمين مش اكتر ولا اقل مش تقلق

احمد : متأكده يامريم

مريم : اه متاكده مش تقلق

احمد : طب ماشى معلش تعبتك معايه

مريم : ولا يهمك تعبك راحه

احمد : تسلميلى ياقمر لا اله الا الله

مريم : محمد رسول الله سلام

احمد : سلام

قفلت مريم وفى عينيها فرحه شديده عشان بتتكلم مع احمد وفجاه لاقيت نفسها

بتفكر كتير فى احمد اشمعنا هيا اللى اتصل بيها كان ممكن يتصل باى حد من اهلهم

مش بمريم حسيت انها شخص مهم لاحمد وعشان كدا اتصل بيها وقالها

وتانى يوم كان ميعاد نتائج تحليل والد مريم بعد العلاج وراحت مريم عشان تجيب النتيجة

ياترى بقا كانت النتيجة ايه خير ولا ايه ؟؟؟؟

يارب الحلقه تكون عجبتكم هنتظر رايكم

انتظروا الحلقة ال 10 بعد بكره الساعه ال11 مساءا ان شاء الله

لمتابعه الحلقات السابقه اضغط هنا 

( بقلم / Roaa )