قـصـة
( صــمــت الـمشاعــر )
الحلقة ( 11 )
بعد ماقفلت مريم مع هبه فضلت تبعت فى رسايل لاحمد وتنصحه وهو فضل يرد على
الرسايل لحد ما اليوم عدى فى اليوم التانى اتصل احمد بمريم على الموبيل وطبعا مريم
كانت فالطريق للمعهد استغربت جدا مكالمه احمد مع انه كان لسه متصل بيها امبارح
وخافت ان احمد يتعلق بيها عشان ينسى سلمى وقررت انها مش ترد عليه وهو كل
شويه يتصل ومريم متردش راح اتصل بهبه عشان يعرف مريم مش بترد ليه
احمد : ايه ياهوبا عامله ايه
هبه : الحمدالله بخير انت عامل ايه
احمد : الحمدالله بخير ايه اخبار ماما
هبه : الحمدالله بخير عايز تكلمها ثوانى اديها التليفون
احمد : لا خليها انا كنت عايزه اسالك هيا مريم مالها
هبه : مريم مالها يابنى
احمد : بتصل بيها مش بترد عليا اتصلت اكتر من 5 مرات
هبه : يمكن مش عارفه ترد او مش سامعه التليفون او فى حاجه
احمد : انا قلقت لتكون زعلانه منى ولا حاجه
هبه : وتزعل منك ليه انت قولتلها حاجه تزعل
احمد : لا خالص طب انا هتصل بيها بليل واشوف هترد عليا ولا لا
هبه : ماشى وانا هكلمها دلوقتى واشوف مالها
احمد : ماشى ولو رديت عليكى ابعتيلى رساله قوليلى
هبه : مش معايه رصيد ابعتلك هبقا ابعتلك من تليفون ماما
هبه : ماشى يابخيله سلام
زينب : سلام
قفلت هبه مع احمد وراحت تقول لمامتها
هبه : دا احمد
ماما هبه : بجد طب مش اديتهولى اكلمه ليه
هبه : اصله بيتصل بيا عشان مريم
ماما هبه : مريم مين
هبه : صاحبتى ياماما مريم نستيها
ماما هبه : لا بس مستغرابه وهو بيسال عليها ليه
هبه : شكله كدا ياماما هيحب مريم
ماما هبه : ياسلام
هبه : اصله مهتم اوى بيها ودا مش الطبيعى بتاعه
ماما هبه : كدا غلط ياهبه هو كدا هيعلق مريم بيه وكل دا عشان ينسى سلمى بمريم
هبه : انتى عارفه ان مريم حلوه وتتحب ياماما يمكن يحبها الله واعلم
ماما هبه : انا عارفه كل دا وعشان كدا انا خايفه عليها احمد بيحب سلمى جدا ياهبه
هبه : مش عارفه بقا سبيها على الله
ماما هبه : ونعمه بالله
هبه : هروح اكلم مريم بقا
راحت هبه تكلم مريم على البيت مش لاقيتها راحت اتصلت على الموبيل
هبه : ايه يابنتى فينك
مريم : انا فالمعهد
هبه : مش بتردى على احمد ليه
مريم : كنت فالمحاضره وكدا
هبه : طب ابقى كلميه عشان قلقان عليكى
مريم : قلقان عليا ليه يعنى
هبه : ماعرفش ياختى شوفى نفسك بقا
مريم : هبه ماتتكلمى عدل وتقوليلى في ايه
هبه : شكل كدا الواد هيحبك يابنتى
مريم : يحب مين يابنتى احمد بيعشق حاجه اسمها سلمى
هبه : بلا سلمى بلا هباب
مريم : اقفلى يابنتى عشان اكلمه ليفكر انى مش عايزه اكلمه
هبه : ايوه خلينى افرح بيكى بقا دى امنيه حياتى
مريم : امشى يابت اقفلى
هبه : هههههههههههه حاضر
قفلت مريم مع هبه وكلمت احمد
اول ما احمد شاف اسمها على التليفون فرح جدا
مريم : ازيك يااحمد عامل ايه
احمد : الحمدالله بخير انتى عامله ايه
مريم : الحمدالله بخير معلش كنت فالمحاضره
احمد : ولا يهمك انا بس فكرت انك زهقتى منى
مريم : لا والله ابدا اخص عليك دا انت اخويه الكبير
احمد : ربنا يخليكى انتى مروحها ولا ايه
مريم : اه انا فالطريق اهو
احمد : توصلى بالسلامه ان شاء الله
مريم : الله يسلمك
احمد : لما تروحى ابقى ابعتيلى رساله طمنينى انك وصلتى
مريم : حاضر ان شاء الله
احمد : لا اله الا الله
مريم : محمد رسول الله
احمد : سلام
مريم : سلام
فضلت مريم واحمد اربع ايام يبعتوا لبعض رسايل ويتكلموا كتير بس رسايل بس وطبعا كل
يوم بيتعلقوا ببعض اكتر وخصوصا وان مريم كانت معجبه باحمد قبل كدا وفى مره طلبت
منها هبه انها تروح معاها المعهد ويخرجوا وفعلا راحت معاها هبه
وهيا معاها حصلت حاجه غريبه ازعجت هبه جدا ؟؟؟
ياترى بقا ايه هيا الحاجه دى وايه اللى هيحصل بعدين ؟؟؟
يارب الحلقه تكون عجبتكم هنتظر رايكم
لمتابعه الحلقات السابقه اضغط هنا
انتظروا الحلقة ال 11 يوم الاحد الساعه ال 4 قبل الفطار ان شاء الله
( بقلم / Roaa )
.jpg)
0 التعليقات:
إرسال تعليق
اكتب تعليقك هنا