قـصـة
( صــمــت الـمشاعــر )
الحلقة ( 10 )
راحت مريم معمل التحاليل عشان تشوف النتيجه والحمدالله النتيجه كانت خير والفيرس
بقا خامل طبععا مريم فرحت جدا لان الحمدالله والدها بقا كويس اتصلت مريم بوالدها
عشان تطمنه
مريم : الو ايوه يابابا
والد مريم : ايه جبتى التحليل
مريم : اه جبتها
والد مريم : ايه الاخبار
مريم : الحمدالله طلع خامل
والد مريم : بجد طب اتاكدى من دكتور اللى فالمعمل
مريم : اه يابابا ولما هروح هكلم الدكتور بتاعك
والد مريم : طب الحمدالله
مريم : شوفت وشى حلو عليك اهو
والد مريم : انتى على طول وشك حلو
مريم : انا هقفل بقا عشان الحق اجيب باقى الحاجات
والد مريم : ماشى
قفل والد مريم وهو فرحان جدا لان ربنا شفاه وطبعا كل اللى فالبيت كانوا فرحانين جدا
عشان النتيجه كانت حلوه
عدى يومين وجاه وقت الخطوبه بتاعت اخو مريم الكبير واليوم كان جميل جدا
بعد الخطوبه بيومين راحت مريم المعهد ومعاها صور الخطوبه وفرجت اصحابها على الصور
بعدها باسبوعين كان عيد ميلاد مريم اصحابها عملوا عيد ميلادها فى كافيه المعهد
وكان يوم جميل جدا لمريم دا غير ان كل الناس قالتلها كل سنه وانتى طيبه وفرحت جدا
لان الكل افتكرها حتى محمود بعتلها رساله
عدى اسبوع ولاقيت احمد بيبعت لها رساله على التليفون وبيطمن عليها
وهيا رديت عليه بس فرحت جدا لان هو دايما بيسال عليها
بعد يوم او يومين بعتت مريم رساله لاحمد عشان يبعتها لسلمى
وكانت رومانسيه جدا احمد فكر الرساله ليه وبعت قالها دى ليا انا الرساله دى
قالتله لا دى عشان تبعتها لسلمى
راح احمد اتصل بمريم واتكلم معاها
مريم : ايه يااحمد عامل ايه
احمد : الحمدالله بخير وانتى عامله ايه
مريم : الحمدالله بخير عامل ايه مع سلمى
احمد : انا وسلمى سبنا بعض يامريم
مريم : نعم ازاى دا حصل
احمد : ايه هيا هبه مش قالتلك
مريم : لا مش قالتلى
احمد : ابقى كلميها واعرفى منها انا مش عايز افتكر
مريم : حاضر ايه الاخبار عندك
احمد : الحمدالله بخير بس ايه الرساله الجامده دى
مريم : ههههههههههه انا عمرى بعتلك رساله وحشه
احمد : لا خالص طول عمرك ذوقك حلو
مريم : ربنا يخليك يلا اقفل عشان مش يخلص رصيدك
احمد : حاضر نكمل كلامنا رسايل بقا
مريم : هههههههههههه ماشى
محمود : سلام
مريم : سلام
قفلت مريم مع احمد وراحت تتصل بهبه على البيت ملاقتش حد رد عليها راحت اتصلت على الموبيل
مريم : انتى فين يابنتى
هبه : انا عند خالتوا
مريم : ليه فى حاجه
هبه : اصلها هتولد كمان يومين وجيت اخد الحاجات بتاعتها عشان هتقعد عندنا
مريم : اه ماشى ربنا يقومها بالسلامه
هبه : الله يسلمك
مريم : انتى مقولتليش ليه ان احمد ساب سلمى
هبه : انتى عرفتى منين
مريم : من احمد
هبه : هو اللى قالك بجد
مريم : اه والله
هبه : طب بصى اقفلى وقدامى ساعه وهكلمك على البيت لما اروح
مريم : ماشى هستناكى
هبه : حاضر وهحاولى تهديه شويه يامريم هو بيرتاح للكلام معاكى
مريم : حاضر ان شاء الله يلا سلام
هبه : سلام
قفلت مريم وفضلت هيا واحمد يبعتوا فى رسايل لبعض وهو كان بيحاول يفهم مريم من
الرسايل ان الحب مابقاش كل حاجه فالحياه وان قصص الحب اللى اخرها جواز نادرا انها
تحصل وطبعا مريم فضلت تقوله متعرفش النصيب فين يمكن ترجعوا وتبقوا احسن من
الاول مع ان مريم متعرفش تفاصيل اللى حصل بس كانت بتحاول انها تشيل نبره التشائم منه
فضلت تبعت فرسايل اكتر من ساعتين لحد ما اتصلت هبه عشان تحكيلها حصل ايه
هبه : معلش اتاخرت عليكى
مريم : ولا يهمك احكيلى بقا اللى حصل من الاول
هبه : بصى ياستى هو احمد قال يكتب كتابه ويتجوز ويعيشوا هما بره مصر عشان شغلهم تمام
مريم : كويس ايه المشكله بقا
هبه : ابو سلمى صمم ان احمد يكتب شيك على نفسه بدل المؤخر والقايمه
مريم : شيك هو رايح يشترى عربيه ولا ايه
هبه : شوفتى طبعا بابا لما عرف فضل يزعئله ويقوله انت ازاى تطلب حاجه زاى دى وانت هتجوزها ولا بتبعها وكلام من دا
مريم : وبعدين سلمى موافقه على الكلام دا
هبه : اللى احمد عرفه بعدين ان سلمى اللى قالت لابوها يقول كدا اصل ست سلمى
بتشتغل هناك وبتجيب اكتر من احمد وخايفه على فلوسها منه شوفتى بقا وهيا اصلا
كل فلوسها بتبعتها لابوها لحد ما اشتروا شقه جديده
مريم : ازاى بتحبه وازاى تطلب كدا من ابوها ايه الحب دا
هبه : يابنتى سلمى طماعه جدا
مريم : بس الحب اهم من اى فلوس طب احمد عمل ايه
هبه : احمد اول ماعرف فضل يتعارك مع سلمى وقالها انتى ازاى بتحبينى وكلام من
دا وبعد اسبوع مشاكل وعكننه سابوا بعض بقالهم اسبوعين على كدا
مريم : ياحول الله يارب دا حب سنين يروح عشان كلام فاضى ايه دا
هبه : هو كدا احسن يابنتى شهر ولا اتنين وهينسا كل حاجه
مريم : ربنا يسهله الحال
هبه : يارب خليكى جنبه يامريم والله يابنتى فرحت لما قولتيلى انه كلمك فالتليفون وقالك
مريم : انتى عارفه ان انا واحمد اكتر من الاخوات
هبه : يارب يحصل اللى فبالى يارب
مريم : هو ايه دا يابت
هبه : مش هقولك عليه يلا انا هقفل عشان بابا بينادى عليا
مريم : ماشى سلام
قفلت مريم مع هبه وهيا حيرانه وبتسال نفسها ايه هو اللى نفس هبه انه يحصل ؟؟؟
فى رايكم ايه هو ؟؟؟
يارب الحلقه تكون عجبتكم هنتظر رايكم
انتظروا الحلقة ال 11 بعد بكره الساعه ال11 مساءا ان شاء الله
لمتابعه الحلقات السابقه اضغط هنا
( بقلم / Roaa )
.jpg)
0 التعليقات:
إرسال تعليق
اكتب تعليقك هنا