قـصـة ( صــمــت الـمشاعــر )الحلقه التانية .. بقلم / روئ

قـصـة

( صــمــت الـمشاعــر )

الحلقة (2)

وفجأة رن تليفون هبه ياترى مين اللى بيتصل بهبه ؟؟؟؟

مريم : مين اللى بيتصل دا

هبه : دا محمد

مريم : محمد مين

هبه : اللى بحبه يابنتى ثوانى ارد عليه

مريم : حاضر هروح اكلم ماما وارجع عقبال ماتخلصى

خرجت مريم لمامتها

مريم : ايه ياماما بتنادى ليه

ماما مريم : انا خلصت الغداء روحى حضرى يلا عشان تأكلوا

مريم : طب استنى شويه لانها بتتكلم فالتليفون

ماما مريم : بتكلم مين

مريم : صاحبتها فالمعهد

ماما مريم : عقبال ماتخلص مكالمه تكونى انتى حضرتى

مريم : طيب حاضر

حضرت مريم الاكل ودخلت لهبه ساعتها كانت قفلت مع محمد

مريم : مالك يابنتى فى ايه

هبه : زعئلى

مريم : ليه بقا

هبه : عشان جيت عندك من غير ماقوله واخده اذنه

مريم : نعم وهو بصفته ايه يمشى كلامه عليكى

هبه : يابنتى احنا مش مرتبطين

مريم : بس مش ارتباط رسمى ماحدش يمشى كلامه عليكى غير والدك واخواتك دا 

انتى اخواتك مش بتسمعى كلامهم

هبه : مادام بحبه وهو كمان بيحبنى ليه مش اسمع كلامه

مريم : يابنتى افهمى كدا هيسطر عليكى اكتر ومش بعيد يمنع عنك الخروج من اهلك 

كمان لما يقولك متروحيش فى حته قوليله انا اللى يقولى اهلى مش انت لان هما ليهم 

حكم عليا اسمعى الكلام بقا

هبه : انتى بتقولى كدا عشان مش مرتبطه بحد

مريم : ياسلام مش شرط بصى مادام هو بيتحكم فيكى وانتوا اصلا مش مرتبطين

 رسمى يبقا كدا انتى مش هيبقا ليكى شخصيه ولا حتى هتعرفى تقولى رايك انا مش

 بقومك عليه بس انتى صاحبتى ولازم افهمك اه انا مرتبطتش بس بشوف من 

تصرفات اصحابى وبتعلم منهم انى مش اغلط زايهم

هبه : ههههههه شكلك انتى اللى هتقعى فالاخر ايه مافيش حد لفت نظرك فالمعهد

مريم : فى واحد كل مايشوفنى فى الكافيه بتاع المعهد يبصلى كتير اووووى مره

 صاحبتى كانت مفكره انه بيبص عليها وفجأة لاقيته بيبص عليا انا فضلت تضحك

 ههههههههه

هبه : هههههههههههه طب وايه مش جاه يتكلم معاكى ولا يتعرف

مريم : يتعرف مين ويكلم مين لا طبعا انا اصلا لو اتعرفت عليه استحاله افكر فيه غير 

زميل وصديق غير كدا لا

هبه : ليه يعنى

مريم : بصى كل اللى فالمعهد هنا كبار وبيشتغلوا كمان وبيعرفوا يفكروا بس مش 

معنى كدا انى افكر فى واحد فيهم لان انا من اول يوم دخلت المعهد فيه اخدت عهد على 

نفسى ان كل الشباب اللى فالمعهد اخوات وزمايل وبس وانى مفكرش فى اى حد فيهم 

اه مش هنكر ان نظراته ليا لفتت نظرى اوى واوقات بكون مبسوطه بس اول مايجى 

حتى يتعرف عليا يبقا خلاص دا بقا زميل فقط لا غير انا عندى اصحابى الشباب 

فالمعهد بيعتبرونى اختهم اه فى منهم اصغر وفى اكبر بس انا بالنسبلهم اختهم الكبيره 

كمان ليه لانى بتصرف بعقل اكتر معاهم

هبه : جدعه والله مريم الحب والارتباط دا وجع دماغ

مريم : ههههههههههه ماهو باين اهو

هبه : سبينى اكل بقا عشان انا هموت من الجوع

مريم : بعد الشر بالهنا والشفا

قعدت هبه مع مريم اكتر من 5 ساعات وبعدين روحت وبعد ماروحت اتصلت مريم

 بهبه فالبيت تتطمن عليها وصلت ولا لا واللى رد عليها احمد اخو هبه 

مريم : السلام عليكم

احمد : وعليكم السلام

مريم : احمد ولا هانى 

احمد : وانتى مالك

مريم : يبقا احمد مافيش غيرك اللى بيغلس عليا

احمد : هههههههههه انا قولت هتتكسفى وتقفلى على طول ايه دا مش عندك دم 

خالص

مريم : هههههههه لا دا انا عندى سيوله اصلا فالدم

احمد : ماهو باين

مريم : نفسى فى مره اتصل ترد عليا كويس ايه دا

احمد : ماهو لو انا رديت كويس مش هبقا ساعتها احمد

مريم : فى دى عندك حق عامل ايه يا احمد وايه اخبارك مع سلمى

احمد : الحمدالله بخير اهى هتسافر كمان اسبوعين وتسبنى

مريم : معلش خليها تشوفلك شغل هناك وتروحلها

احمد : ما انا قولتلها كدا ادعيلنا بقا

مريم : ربنا يوفقكم ويسعدكم مع بعض

احمد : ربنا يخليكى

مريم: هبه وصلت ولا لسه

احمد : لا لسه

مريم : نعم دى مروحها من ساعه يعنى المفروض تكون وصلت من نص ساعه

احمد : معرفش بقا

مريم : امال صوت مين اللى بينادى دا

احمد : صوت ماما

مريم : ونبى ههههههههههه بتضحك عليا ماشى ماشى

احمد : انتى اللى بيضحك عليكى بسرعه

مريم : ماشى يااحمد ليك يوم

احمد : هههههههههههه ليا ايام كتير عندك ثوانى انديلك هبه ولا انتى زهقتى منها

مريم : لا مش تنادى انا كنت بس عايزها اطمن عليها

احمد : بخير ياختى اهى

مريم : ماشى سلملى على ماما وبابا وسلمى

احمد : الله يسلمك

مريم : سلام

احمد : سلام

عدى ايام واسابيع وسفرت سلمى خطيبت احمد دبى

ومريم طبعا مشغوله بالامتحان نصف العام وهبه هكذا

خلصت هبه الامتحانات قبل مريم وقالت تروح تزور مريم فالبيت بقالهم شهر مش 

بيشوفوا بعض

هبه : مساء الخير

مريم : هبه ايه دا مش قولتيلى يعنى انك جايه

هبه : معلش نسيت

مريم : عادى ولا يهمك تعالى

ماما مريم : هبه ازيك عامله ايه وماما عامله ايه

هبه : الحمدالله بخير

مريم : تعالى نقعد فاوضتى

هبه : ماشى وحشتنى والله الاوضه

مريم : هههههههههههه تعالى ياختى عامله ايه

هبه : والله مخنوقه شويه وعندنا مشاكل فالبيت اتخنقت روحت جايلك

مريم : فى ايه يابنتى احكى بس

هبه : انتى كنتى بتذاكرى ولا ايه معلش جيت عطلتك

مريم : لا عادى انا بس كنت براجع عشان عندى امتحان بكره بس خلصت يعنى احكى يلا

هبه : انا ومحمد كل شويه نتعارك وبجد زهقت اوى من اسلوبه دا

مريم : ليه عملك ايه بس احكى اللى حصل

هبه : هو يعرف بنات كتير وكل شويه لما بكون معاه الاقى اتصالات من بنات وبيرد

 عليهم وانا معاه كمان روحت قولتله ولا كانى موجوده وطلعت كل اللى فقلبى زعل 

من الكلام وراح سبنى وروح

مريم : بصى ياهبه هو شاب ولسه صغير واكيد هيكون ليه اصحاب بنات كتير هو لو

 فى حاجه مابينه ومابين اى بنت فيهم مش هيجى يتكلم وانتى معاه هيخاف بس هو 

عشان بيعتبرهم اصحاب وبس بيتكلم براحته قدامك مش من وراكى والمفروض 

تحترمى كدا اه هو المفروض يقلل الموضوع دا شويه لانه دلوقتى مرتبط غير الاول 

بس برده انتى المفروض تتناقشى معاه فالمواضيع دى كلها مش تتعاركى والكلام الفاضى دا

هبه : معرفش بقا دا اللى طلع منى ساعتها دا انا كنت هقول اكتر من كدا بس هو مشى 

وسبنى

مريم : كمان طب اتصلتى بيه

هبه : لا ومش هتصل هو اللى غلطان

مريم : لا انتى كمان غلطانه اكتر منه

هبه : مريم مش هتصل

مريم : هتتصلى لما تروحى اتصلى بيه شوفيه هيرد ولا لا ولو رد عليكى اتكلمى 

عادى معاه لحد ماهو يفتح الموضوع ماشى

هبه : ماشى

مريم : كدا خلصنا من محمد ايه بقا المشاكل اللى فالبيت

هبه : سلمى سافرت دبى من اسبوعين تمام

مريم : تمام

هبه : الهانم كانت قالت انها هتسافر لعمتها هناك ولما سافرت قالت ان مش ليها 

عمها هناك دى صاحبتها اللى كانت معاها فالكليه هناك وطبعا احمد اتعارك معاها ولما 

قال لماما وبابا البيت بقا حريقه وفضلوا يقولوا لاحمد لازم تسبها وكدا كدبت عليك

 المهم دخلت سلمى نت تكلم احمد وتبعت صور الشركه اللى شغالها فيها كل الصور 

اللى بتبعتها مش بتكون هيا فيها وغلطتت وبعتت صوره هيا فيها طبعا الاستاذه قلعت 

الحجاب ولبس الضيق والقصير احمد اول ماشاف الصوره وكانت ماما معديه شافتها 

بالصدفه الدنيا اتقلبت انتى كنتى هنا لبس طويل وحجاب وهناك حاجه تانيه راح احمد  

شتمها وقفل النت واتصل بابوها وقاله بنتك انا خطبتها بالبس الطويل والصدق بس 

لما سفرت قلعت الحجاب واشتغلت فالكدب والجواز قسمه ونصيب وقفل السكه ومن 

ساعتين ابوه سلمى ومامتها وصلوا عندنا يتكلموا مع احمد وبابا وماما عشان 

يصلحوا وهيا سلمى كل شويه تتصل واحمد مش بيرد عليها

مريم : ايه دا كله ازاى تعمل كدا

هبه : بتقول الشركه هناك لازم تقلع الحجاب وتلبس كدا

مريم : ياسلام وهيا بتلبس الحجاب وتقلعه عشان الشركه وازاى اصلا تكدب على 

احمد وتقول انها رايحها لعمتها

هبه : انا اصلا مش بحبها من الاول دى كانت تفضل تقول لاحمد بص هبه لبسه ضيق 

ازاى وانا اصلا فيا جسم دا الضيق بيجى عليا واسع

مريم : ههههههههههههههه فعلا الضيق بيجى عليكى واسع طبعا احمد نفسيا على

 اخره

هبه : جدا جدا

مريم : اتارى انا رنيت عليه النهارده مش رد الرنه

هبه : يابنتى دا هيتجنن ازاى سلمى تعمل معاه كل دا

مريم : بجد زعلتينى اوى

هبه : البيت عندنا حريقه ولا هانى بقا مولع الدنيا اصلا وعمال يجى على احمد 

ويقوله انت مش عندك شخصيه قدامها والكلام دا

مريم : ياسلام قوليله يخليه فى نفسه لما نشوف لما هيخطب هيعمل ايه

هبه : اسكتى دا عايز يخطب بنت من دمنهور عايزه اقولك انها مش حلوه اصلا 

ورخمه اووووووووووووى

مريم : انتى تانى هيا عجبه انتى مالك

هبه : اخواتى الاتنين مش بيعرفوا يختاروا ابدا

مريم : معلش شوفتى الصور الجديده بتاعتى

هبه : فين هيا

مريم : اهى

هبه : ايه يابت الحلاوة دى مش كان اخدك احمد ولا هانى 

مريم : ههههههههههه ربنا اللى بياخد ياختى

قعدت هبه مع مريم ساعتين وروحت عشان الوقت متأخر

ولما روحت فجاة حصل حاجه لا تخطر على البال ياترى بقا ايه اللى حصل ؟؟؟؟

يارب الحلقه تكون عجبتكم هنتظر رايكم

انتظروا الحلقة ال 3 بكره الساعه 11 المغرب ان شاء الله

ولمشاهده الحلقه السابقه اضغط هنا 

( بقلم / Roaa )