الحلقة الاولى من قـصـة ( صــمــت الـمشاعــر ) ... بقلم / روئ

5 comments







>


 القصه احداثها واقعيه جدا بس فى دروس كتير هنتعلمها منها

ابطال القصة
(1)
مريم
24 سنه خريجه معهد كانت فاشله دراسيا ايام الاعدادى والثانوى طيبه حنونه لما بتحب بتخلص اوى وبتحب اوى صاحبة صاحبتها

(2)
هبه
22 سنه خريجه معهد هيا كمان بس بالعافيه طيبه جدا

(3)
احمد 
31 سنه خريج ترسانه طيب وحنين جدا رومانسى اوى ولكن شخصيته ضعيفه اوى وكريم اوى ودا اخو هبه

(4)
هانى
34 سنه خريج كليه هندسه طيب وهو اخوهبه واحمد الاكبر

(5)
الام مدام ساميه
55 سنه ام حنونه وطيبه جدا وهيا والدت (هبه واحمد هانى )

(6)
الوالد عادل 
64 سنه طيب جدا متدين جدا وهو شيخ جامع وهو والد ( هبه واحمد هانى)

(7)
شيماء
23 سنه خريجه كليه حقوق طيبه وخدومه جدا وهيا صاحبة مريم الانتيم من ايام الثانوى وصاحبت هبه من بعيد

باقى الابطال هنعرفهم فى القصة

الحلقة الاولى
كان فى اتنين اصحاب من اولى اعدادى وهما مع بعض فى كل حاجه مدرسه درس

 حتى انهم كانوا على طول عند بعض هما مين دول هبه ومريم هنبدا حكايه القصه من ايام الثانوى

فى يوم من الايام راحت مريم بيت صاحبتها هبه عشان عندهم درس انجليزى لان هما فسنه اولى ثانوى

مريم : امال فين مامتك ياهبه

هبه : ماما نايمه عشان تعبانه اوى

مريم : الف سلامه عليها

هبه : الله يسلمك

مريم : هو الاستاذ اتأخر ليه كدا

هبه : هروح اتصل بيه

مريم : ماشى

هبه : الاستاذ مش جاى

مريم : ياسلام طب انا هروح

هبه : خليكى بقا قاعده معايه لحد ماعدا الدرس

مريم : ماشى وهقول اخدت الدرس

هبه : ماشى تعالى بقا نعمل حاجة نأكلها

مريم : ماشى

بعد ما خلصوا الاكل وصل والد هبه البيت ورحب بمريم وقعد يتكلم معاها وبعدها

بنص ساعه وصل احمد اخو هبه من الشغل وساعتها كانت مريم وهبه حضروا الاكل 

ومحمود والد زينب اكلوا معاهم

احمد : مش تاكلى كتير وبعد ماتخلصى اغسلى الاطباق دى

مريم : هههههههه لا مش هغسل وهاكل براحتى بقا

احمد : لا هتغسلى وتعملى ليا انا وبابا شاى ايه رايك

مريم : ايه هو انا لازم اعمل حاجه مقابل الاكل دا على اساس انى باكل كباب دى بطاطس محمره وتونه

احمد : اخص عليكى بعد ما اكلتى الكباب كله بتقولى تونه وبطاطس

هبه : بس يااحمد انت ماصدقت ان مريم هنا عشان تغلس عليها

احمد : اه بقالى كتير مش غلست على حد وانتى اصحابك كلهم رخامين

مريم : شكرا ياحماده

احمد : لا مش قصدى انتى ماهو لو انتى رخمه مكنتش غلست عليكى ولا اكلت معاكى قومى يابت اعملى شاى بسرعه عندى شغل

مريم : ههههههههههه ماشى مش تشخط

بعد ساعه مشيت مريم من عند هبه فرحت جدا لان احمد هزر معاها

وعدى ايام وشهور وكل ماتتصل مريم بهبه واحمد يرد عليها ويهزروا مع بعض

وبعد سنه ونص احمد ارتبط ببنت اسمها سلمى وحبها جدا وطبعا هبه قالت لمريم ومريم فرحت جدا لاحمد

وخلصت مريم وهبه الثانوى العام وطبعا المجموعات كانت زاى الزفت دخلت هبه

 معهد فنى تجارى بره اسكندرية مريم دخلت معهد خاص فى ابو قير بس هيا حولت

 لنفس المعهد بتاع هبه بس والد مريم رفض عشان مش فى نفس المحافظة وحولت 

تانى مريم جامعه عماليه وفضلت فيها شهرين وكانت شاطره جدا فالرياضة البحته

 وكانت مرتاحه جدا بس والدتها راحت معاها يوم عشان تحويل الورق من المعهد

 للجامعه وشافت المكان مش عجبها وخافت جدا على بنتها وقعدت مريم السنه دى

 فالبيت ولما عرف احمد ان مريم مش مع هبه فى نفس المعهد فضل يتعارك معاها

 ومع والده عشان تحول لاى معهد هنا بس طبعا والده قاله لا ملكش دعوه

وبعد شهر احمد خطب سلمى مع انه مش شغال فى مكان سابت بس عنده شقه

جابت مريم موبيل وكانت على طول بتبعت رسايل رومانسبه وعاديه لهبه وكان احمد 

بينقل الرسايل دى من عند هبه وفى مره تروح هبه تزور مريم فالبيت وفى وسط الكلام يروحوا جايبين سيره احمد

مريم : احمد عامل ايه يابنى بقالى كتير مش سمعت صوته

هبه : احمد بخير طول اليوم مكالمات مع سلمى وكل شويه يتعاركوا

مريم : دا الطبيعى مابين اى مخطوبين هيا شكلها ايه

هبه : هيا مش حلوه اصلا احمد احلى منها مافيهاش غير شعر

مريم : متقوليش كدا ياهبه هيا فى نظرة حلوة وكمان الجمال مش جمال الشكل دا 
جمال الاخلاق والروح

هبه : ماشى ياختى ماهو دا حبيب قلبك ولازم تدافعى عنه

مريم : هههههههه انتى عارفه انا بعزه قد ايه

هبه : صحيح ابقى ابعتيله رسايل رومانسيه يبعتها لسلمى

مريم : لا ياختى عيب

هبه : عادى يابنتى بدل ماهو عمال ينقل فالرسايل

مريم : حاضر هاتى رقمه

هبه : هو مسجل رقمك عنده رنى انتى بس عليه

مريم : حاضر

هبه : انا همشى بقا

مريم : ماتخليكى شويه

هبه : ايه بقالى 6 ساعات هنا

مريم : هههههه ماشى ياختى

هبه : يلا سلام

مريم : سلام سلميلى على عمو وطنط و احمد

هبه : وهانى لا

مريم : وهانى كمان مع انى مش كلمته قبل كدا

هبه : ماشى سلام

بعد مامشيت هبه من عند مريم اتصلت مريم تحكى لشيماء صاحبتنها

شيماء : هيا كل شويه هبه تجيلك كدا

مريم : يعنى اقولها مش تيجى مع انها بتيجى من غير ماتستأذن الاول من واحنا فالاعدادى وهيا كدا

شيماء : مش عارفه انتى بتستحمليها ازاى انا شوفتها مرتين واتخنقت منها وكمان يامريم هيا بتستغلك اوى

مريم : ليه بتقولى كدا

شيماء :فاكرها لما كنا بنتفسح وهيا مدفعتش قرش وانتى زاى العبيطه بتدفعى

مريم : اعمل ايه طيب انا مش بحب اقول لحد هات حاجه اصلا

شيماء : بس كدا غلط يامريم

مريم : المهم هيا ادتنى رقم احمد عشان ابعتله رسايل رومانسيه عشان يبعتها لخطبته

شيماء : ياسلام وهو مش ينقل ليه ولا لازم تغرمك رصيد

مريم : عادى يابنتى احمد اصلا غيرها خالص وانا بعزه جدا

شيماء : ماشى

قفلت مريم مع شيماء 

فضلت مريم تبعت رسايل رومانسيه لاحمد عشان يبعتها لسلمى وسلمى كانت كل

 شويه تتعارك مع احمد عشان الرسايل دى وهو كان بيقولها انها صاحبت اخته وان

 مريم زاى اخته بالضبط

وبعد 7 شهور دخلت مريم معهد حاسب الى وبدات تروح المعهد وفالاول طبعا مكنش ليها اصحاب نهائى

بعد مرور شهر من الدراسه بدات مريم تتعود على المعهد واتعرفت على بنت او اتنين 

هناك واتعرفت على شباب هناك بس كانوا كلهم اخواتها وبس ولا حد فيهم فكر يعجب 

بيها ولا هى كمان

بدات مريم انها تركز فالدراسه وفى نفس الوقت بتخرج مع اصحابها عادى وطبعا 

كعادة معظم البنات مش بيحكوا كل حاجه لاهلهم

فى يوم من الايام اتاخرت مريم عن ميعاده فالبيت وطبعا اهلها قلقوا جدا عليها
وعند وصلها البيت

مريم : السلام عليكم

والدت مريم : وعليكم السلام كنتى فين كل دا

مريم : ماكنش فى اتوبيسات خالص

والدت مريم : والله والمفروض اصدق انا بقا

مريم : دا اللى حصل والله مش مصدقنى تعالى خدينى من هناك

والدت مريم : دا اللى بناخده منك لو اتاخرتى تانى مش هوديكى المعهد تانى سامعه
مريم : حاضر

عدى ايام وشهور وفى اجازة نص السنه جات هبه عند مريم تشوفها لانها ماكنتش

 تعرف حاجه عنها عشان هيا كل يوم بتسافر للمعهد ومريم طبعا المعهد بتاعها

 فاسكندريه ومش بتسافر زاى زينب

هبه : اية اخبارك عامله ايه

مريم : الحمدالله بخير انتى ايه اخبارك احكيلى بقا عن محمد اتعرفتى عليه ازاى

هبه : ابدا هو معايه فالمعهد اتعرفت عليه عن طريق واحده معانا هو من اسكندريه

 زاى ابيض وعسول خالص استنى اوريكى صورته

مريم : ى حلو يازوزو بس انتى احلى منه برده

هبه : دا عشان انا صاحبتك

مريم : لا والله انتى اصلا زاى القمر

هبه : ربنا يخليكى

مريم : ايه اخبار محمود صح

هبه : الحمدالله فى مشاكل مابينه هو وسلمى 

مريم : ليه كدا

هبه : انتى عارفه ان احمد كان مرتبط بسلمى سنين

مريم : اه انتى قولتيلى قبل كدا

هبه : هيا جالها سفر فالخليج

مريم : لوحدها

هبه : اه عمتها هناك زهتقعد معاها

مريم : طيب ايه المشكله

هبه : المشكله ان احمد مش موافق وماما وبابا هكذا

مريم : وهيا اهلها موافقين

هبه : اه موافقين وفرحانين اوى لان هما ماديا مش اوى فاهمه

مريم : بص اللى عرفته منك ان سلمى لبسها محترم جدا واخلاقها عاليه جدا

 ومفتكرش انها لما هتسافر هتتغير بالعكس دى هتحافظ على نفسها اكتر

هبه : المشكله يابنتى انها بنت ومهما راحت قعدت عند حد من قرايبها عيب فاهمه 

لازم يكون حد من اخواتها او والدها

مريم : عندك حق بس ما انتى بتسافرى كل يوم ياهبه ولوحدك والله واعلم ممكن 

يحصلك ايه صح ولا ايه

هبه : تعرفى ان سلمى قالت كدا لاحمد وقفل معاها واتعارك معايه ومع بابا هيا اصلا 

على طول بتسلط احمد عليا ومش بتحبنى خالص

مريم : ايه يابنتى انتى اصغر من سلمى من باربع سنين يعنى المفروض تعمليها 
كويس
هبه : يابنتى هيا بتغير منى عشان انا دلوعه البيت وعشان احلى منها بكتير

مريم : مش لدرجتى هيا تلاقيها عشان اكبر منك بنخاف عليكى بس

هبه : لا ياختى سلمى اصلا سوسه اوى يابنتى

مريم : زمانها عامله تكح من كتر الكلام عليها كفايه يابنتى

هبه : ماشى ادينى هسكت اهو صحيح ماما واحمد بيسلموا عليكى اوى

مريم : الله يسلمهم سلميلى عليهم كتير وعلى عمو ماشى

هبه : حاضر هانى هيخطب الشهر الجاى

مريم : بجد مبروووك

هبه : الله يبارك فيكى قولتله ياخدك قالى لا انا عايزه واحده كبيره شويه

مريم : ههههههههه هانى كبير يابت عليا

هبه : كان نفسى اى خد من اخواتى ياخدوكى بس كلهم ذوقهم وحش اوى

مريم : حرام تقولى كدا اتمنى ليهم الخير يابت

هبه : بتمنى ياختى


وفجأة رن تليفون هبه ياترى مين اللى بيتصل بهبه ؟؟؟؟


يارب الحلقه تكون عجبتكم هنتظر رايكم فى اول حلقه


انتظروا الحلقة الثانية بكره الساعه 11 مساءا 


( بقلم / Roaa )

هناك 5 تعليقات:

اكتب تعليقك هنا

المتابعون