قـصـة ( صــمــت الـمشاعــر ) الحلقة ( 8 ) .. بقلم / روئ

قـصـة

( صــمــت الـمشاعــر )

الحلقة ( 8 )

قفلت مريم مع شيمااء وراحت عشان ترد على التليفون

مريم : الو مين معايه

محمد : انا محمد صديق هبه

مريم : محمد اه اهلا بيك حضرتك جبت رقمى منين

محمد : انا اخدته من تليفون هبه قبل كدا

مريم : واخدته ليه

محمد : لانى عايزاك فى موضوع

مريم : موضوع ايه دا

محمد : ممكن نتقابل فاى مكان ونتكلم شويه

مريم : استاذ محمد انا مش بقابل حد معرفهوش وخصوصا انك حبيب صاحبتى مينفعش

انى اقابلك من غيرها

محمد : بس انا والله ما اقصد اى حاجه وحشه انا بس عايز اكلمك فى موضوعى انا وهبه

مريم : تقدر تقوله فالتليفون دلوقتى

محمد : خلاص ماشى مافيش مشكله

مريم : خير بقا ايه الموضوع

محمد : انتى عارفه طبعا ان هبه نجحت ان شاء الله السنه دى وانا عشان كنت غايب

فى معظم الامتحانات لازم اعيد السنه وغير كدا ظروفى ماديا مش اوى وهبه مش

مقدره كل دا ومش عايزه تستحمل وكل يوم تقولى هتيجى تتقدم امتى طب انا هروح

اتقدم ازاى وبايه

مريم : انا عارفه كل دا وقولتلها انك مش هينفع تتقدم دلوقتى بس ممكن سؤال مادام

انت عارف ظروفك وانك مش هتقدر تتقدم ليه ارتبطت بيها وعلقتها بيك مكنتش عارفه

ظروفك ولا قولت اقضى السنتين فالمعهد معاها وبعد ما اخلص اكبر منها

محمد : لا والله ابدا مش كدا خالص بس الموضوع انى هعيد السنه ومش هينفع اشتغل

فى شركه او مصنع لانى بسافر للمعهد

مريم : بص يامحمد الموضوع مش موضوع ظروف وبس انت لسه عندك 20 سنه

متزعلش من كلامى اكيد اهلها هيرفضوا لانك لسه صغير ومش قد المسئوليه المهم

انت بقا هتعمل ايه مع هبه

محمد : انا فكرت كويس وقررت اننا نسيب بعض بس مش عارف اقولها ازاى

مريم : قررت لوحدك من غير حتى ماتقولها ماشى يامحمد وانت بقا متصل بيا عشان انا

اللى اقولها صح

محمد : بصراحه اه

مريم : ماشى يامحمد انا هقولها بس ياريت مش تحاول تكلمها الفتره الجايه عشان

تعرف تنساك ممكن

محمد : حاضر

مريم : وبعد اذنك ممكن مش تتصل بيا تانى

محمد : حاضر انا اسف جدا عشان اتصلت واخدت الرقم من غير اذن

مريم : حصل خير انا هقولها بطريقتى انا عشان مش تزعل اوى

محمد : ماشى تمام شكرا اوى ليكى

مريم : العفو سلام

محمد : سلام

قفلت مريم وهيا مضايقه جدا ازاى هتقول لصاحبتها كل دا

فضلت تفكر كتير هتقولها ازاى لحد مافكرت انها تخرج معاها وتقولها فى ايه

وراحت مريم تتصل بهبه عشان يتقابلوا تانى يوم وتقولها

فاليوم التالى وصلت هبه عند مريم فالبيت واخدتها ونزلوا يتمشوا على البحر لان مريم

تسكن بجوار البحر

وهما بيتمشوا مريم بتتكلم معاها

هبه : فى ايه بقا كنتى عايزه تقوليلى ايه

مريم : محمد اتصل بيا

هبه : محمد مين

مريم : محمد اللى مرتبطه بيه انتى

هبه : نعم وجاب رقمك منين

مريم : بيقول من تليفونك

هبه : وعايز منك ايه ان شاء الله

مريم : اتكلم معايه فالموضوع بتاعكم وعشان ظروفه وكدا

هبه : اه وبعدين

مريم : هيا ظروفه صعب جدا انه يجى يتقدم دلوقتى ياهبه

هبه : ومين قالك انى عايزه يجى يتقدم اصلا اهلى مش هيرضوا دا انا قلت لماما راحت

زعئتلى

مريم : بجد انا كنت عارفه انهم هيرفضوا خلاص ياهبه انسيه ان شاء الله ربنا هيعوضك

الاحسن منه

هبه : عادى مش هتفرق انا اصلا فالفتره الاخيره مكنتش مرتاحه بس اللى مزعلنى انه

اتصل بيكى انتى ومفكرش انه يقولى انا

مريم : هو مش قادر يقولك وعشان كدا اتصل بيا

هبه : لو كان هو قالى كنت ساعتها كرهته

مريم : اللى بيحب بجد مش بيكره ممكن تنسيه شويه بس مش تكرهيه

هبه : بس انا فعلا بدات اكره

مريم : يبقا انتى مكنتيش بتحبيه

هبه : الله واعلم ثوانى التليفون رن

مريم : شوفى مين طيب

زينب : دا احمد اصله نزل مصر من يومين

هبه : ايوه يااحمد فى ايه

احمد : هترجعى امتى

هبه : ليه

احمد : كنت هاخدك انتى وماما ونروح السينماء

هبه : بجد طب انا جايه دلوقتى

احمد : ماشى استنى بقا على اول الشارع وانا وماما هنطلعلك

هبه : ماشى هوصل مريم وهاجى

احمد : ادينى مريم اسلم عليها

هبه : خدى يامريم احمد

احمد : عامله اايه يامريوم

مريم : الحمدالله بخير انت عامل ايه حمدالله على السلامه

احمد : الله يسلمك

مريم : انت نزلت بدرى ليه

احمد : ابدا دورت على شغل هناك ولاقيت شغل وكدا ونزلت عشان اخلص الورق بقا

مريم : اه ربنا يوفقك يارب ونفرح فيك ونخلص بقا

احمد : هههههههههههههه عايزه تاكلى جاتوه مش كدا

مريم : هههههههههههههه اكيد

احمد : هههههههههههههه قريب ان شاء الله

مريم :ان شاء الله سلملى على سلمى بقا

احمد : الله يسلمك

مريم : سلام

احمد : سلام

قفلت مريم مع احمد وراحت سالت هبه عنه

مريم : هو مبسوط ياهوبا هناك

هبه : اه ياختى مبسوط وجبلنا صداع بسلمى دى

مريم : انتى ليه مش بتحبيها

هبه : لانها سوسه اوى يامريم

مريم : هاتيلى بنت مش سوسه كل البنات كدا

هبه : ههههههههههههه على رايك بس احنا مش بيبنا علينا هيا بقا تعرفيها من نظرة

عينيها

مريم : مش شوفتها عشان احكم عليها

هبه : طب انا هروح بقا عشان هيودينى انا وماما السينما

مريم : ماشى اديكى تغيرى جو ولما تبقى مضايقه ولا حاجه ابقى كلمينى ماشى

هبه : ماشى

وصلت هبه مريم البيت وراحت عشان تروح السينما مع احمد

راحت السينما واتبسطت اوى بس لما روحت البيت فضلت تفكر فى موضوعها هيا

ومحمد

عدى ايام وكانت هبه بتكلم مريم كل يوم

واحمد سافر تانى عشان خلاص خلص الورق وكان ساعتها قبل شهر رمضان

وهيا قاعده مريم ولاقيت فى رساله وصلت لها فتحت الرساله لاقيتها من احمد بيقولها

كل سنه وانتى طيبه رديت عليه وقالتله وانت طيب والسنه الجايه فى بيتك انت وسلمى

فضلوا يبعتوا رسايل لبعض كل يومين 3 رسايل عاديه للسؤال عن بعض ورسايل

رومانسيه عشان احمد يبعتها لسلمى

وبدات الدراسه وراحت مريم المعهد وطبعا فرحت جدا عشان رجعت تخرج وتشوف اصحابها

وفى مره هبه راحت لمريم المعهد وكان فى واحد من زمايل مريم اسمه احمد كان

على طول بيغلس على هبه ويتريق عليها لانها رفيعه جدا ومريم كانت دايما تشد معاه

فالكلام عشانها وهبه حسيت من طريقه كلامه انه معجب مش بيتريق

وفرحت اوى لانها لاقيت احمد دا مهتم بيها وبدات تسال مريم عليه كتير ومريم

استغربت من كتر الاسئله دى

بعد كدا روحت مريم وهبه وهما فالطريق فى حدا شافوه بالصدفه ياترى مين الشخص دا ؟؟؟

يارب الحلقه تكون عجبتكم هنتظر رايكم

انتظروا الحلقة ال 9 بعد بكره الساعه ال11 مساءا ان شاء الله

لمتابعه الحلقات السابقه اضغط هنا 

( بقلم / Roaa )