قـصـة
الحلقة ( 6 )
بعد ماوصل بيومين والدت مريم قعدت هيا ومريم ومى واخواتها الشباب عشان تقولهم والد مريم نزل ليه
مى : فى ايه بقا
والدت مريم : هو نزل لانه عمل تحليل هناك وطلع عنده فيرس سى
مى : ايه بجد
والدت مريم : اه وهو نزل عشان يتعالج ويحلل
مريم : وطب مايروح يحلل فى معمل كويس ويروح لدكتور متخصص
مى : على فكره المرض دا معدى يعنى ماحدش يستخدم الحاجه بتاعته نهائى
مريم : بلاش تخوفيهم وخلاص ان شاء الله هيكون خامل ومش نشط
والدت مريم : ان شاء الله هو هيروح يحلل بكره الصبح وبعدين هيروح للدكتور
مى : طب مايروح للدكتور احسن الاول لانه هيطلب منه تحاليل كتير
والدت مريم : خلاص هقوله مش عايزه اى حد من العيله يعرف غير لما نتاكد الاول
مريم : ماشى
راح والد مريم للدكتور وطلب منه كام تحليل ولما عمل التحليل طلع خامل واخد علاج بس جامد جدا
فى نفس الوقت اللى كان والد مريم بيتعالج مى كانت فى مشاكل مع خاطبها لحد
ماسبوا بعض وسبب المشاكل هيا والدت وسيم لانها كل ماتكلم مى تديها كلام
جامد ومى كانت تسمع الكلام وتقول لخاطبها وطبعا يروح وسيم يعمل مشاكل مع
والدت لحد ما المشاكل كترت وسابوا بعض فضلت ومى حالتها النفسيه سيئه وكانت
بتروح لدكتور نفسى عشان تاخد اى حاجه تخليها تهدى وتنام وتبطل تفكير فى وسيم
ولما بقيت كويسا حبت انها تشغل حياتها بحاله خصوصا انها خلصت الدراسه واشتغلت
فكرت انها تجوز اخوها لوحده صاحبتها
مى : ايه رايك ياعادل فى رانيا صاحبتى
عادل : رانيا مين
مى : اللى وريتلك صورتها
عادل : لا ياختى مش حلوه
مى : هو بالشكل يابنى دى محترمه ومدينه وكمان اهى احسن من ال6 بنات اللى روحت تتقدملهم
عادل : دى احسن حرام عليكى
مى : والله يابنى كويسه وطيبه طب روح شوفها لو مش عجبتك مش تتكلم فالتفاصيل
عادل : ان شاء الله
فضلت مى وراه اخوها ومامتها وبابها عشان يروحوا يطلبوا ايد رانيا لحد ماراح عادل
وطلب ايد رانيا مع انها ماكنتش عاجبه بس وافق لان والده قاله دى اخر واحده هنروح
نتقدم لها وبعد اسبوعين قروا الفاتحه واتفقوا على كل حاجه
وبالصدفه مريم بتتصل بهبه عشان تقولها على ان اخوها خطب
مريم : ازيك ياهوبا
هبه : الحمدالله فينك يابنتى خلصتى الامتحانات
مريم : اه يابنتى خلصتها مع انى كنت فى مشاكل كتير
هبه : ليه يابنتى خير
مريم : مى سابت وسيم وبابا رجع من السعوديه وطلع عنده فيرس سى
هبه : الف سلامه عليه مش تقولى يابنتى عشان ابقا اطمن عليه
مريم : اهو بقا كويس مكنتش كلم اى حد والله مش فاضيه اصلا واخويه راح اتقدم
لصاحبه نهى من يومين
هبه : اخص عليكى هو انا مش موجوده
مريم : ههههههههههههههه يابنتى ما انتى مرتبطه بمحمد
هبه : كنت اسيبه فى ثوانى
مريم : ملكيش امان
هبه : عايزه اشوافك يابت
مريم : هروح اشوف النتيجه كمان يومين ايه رايك تيجى معايه ونخرج شويه
هبه : ماشى بس من غير اصحابك
مريم : لا انا هقابلهم فالمعهد وبس مش تقلقى
هبه : خلاص ماشى الساعه 11 هتلاقينى عندك
مريم : تمام صحيح ماما وبابا وهانى واحمد عاملين ايه
هبه : ياستى بابا وماما بخير الحمدالله وهانى خطب وعمل الخطوبه اللى مش رضيتى
تيجى فيها واحمد سافر بقاله شهرين
مريم : بجد ومش قولتيلى ليه
هبه : نسيت والله كنت بظبط فى الفرح بتاع هانى وامتحانات وكدا
مريم : وهو عامل ايه هناك
هبه : الحمدالله بخير عايش حياته هناك كل شويه يبعتلى صوره هبقا اوريهالك لما
اشوافك
مريم : ماشى ياحبيبتى سلميلى على كل اللى عندك
هبه : الله يسلمك وانتى كمان سلميلى على ماما ومى
مريم : الله يسلمك
قفلت مريم مع هبه وراحت تحكى لمامتها عن هبه
والدت مريم : هبه دى
مريم : اه هبه
والدت مريم : طيب
مريم : اخوها احمد سافر عند خاطبته
والدت مريم : نعم ازاى دى
مريم : ازاى ايه راح عند خاطبته فى دبى باين ولا معرفش قطر عشان يشتغل هناك
والدت مريم : وزاى اهله واهلها يبقبلوا بكدا
مريم : ماهو كان حصل مشاكل بسبب انها لوحدها هناك وعشان كدبت عليهم وقالتلهم انها هتقعد عند عمتها
والدت مريم : قال يعنى هيا دلوقتى لما تكون هيا وخطبها لواحده فى دوله كدا كويس
مريم : واحنا مالنا ياماما هما راضيين بكدا ربنا يهديهم بقا
والدت مريم : يارب هروح اصحى اخوكى عشان رايح يشوف القاعه
مريم : ماشى
عدى يومين وراحت مريم مع هبه المعهد عشان يشوفوا النتيجه وطبعا مريم جابت امتياز
زاى الترم الاول مع انها كانت فى مشاكل كتير بس كانت بتذاكر كويس واصحابها فى
منهم طلعوا ب 3 مواد وفى اللى طلع بماده واللى نجح بمقبول بس اللى كانت بتشرح
لهم مريم كلهم ناجحوا ومش طلعوا بمواد وفرحوا جدا وشكروا مريم كتير
بعد ماخلصت مريم اتصلت بمامتها تطمنها وبعدين راحت هيا وهبه يتمشوا وهما
فالطريق تليفون هبه رن ياترى بقا مين اللى بيتصل وايه اللى حصل ؟؟؟
يارب الحلقه تكون عجبتكم هنتظر رايكم
انتظروا الحلقة ال 7 بعد بكره الساعه ال10 مساءا ان شاء الله
لمتابعه الحلقات السابقه اضغط هنا
( بقلم / Roaa )
.jpg)
0 التعليقات:
إرسال تعليق
اكتب تعليقك هنا