قـصـة
الحلقة ( 5 )
بعد يومين فى رقم غريب اتصل بمريم والمشكله ان مريم مش بترد على الارقام الغريبه
بس لما لاقيت الرقم اتصل اكتر من 5 مرات قالت تشوف مين اللى بيتصل
اتارى بقا اللى بيتصل واحد معاها فالمعهد اسمه محمود
مريم : السلام عليكم
محمود : وعليكم السلام ايه الصوت الرقيق دا
مريم : مين حضرتك
محمود : انا واحد معجب بيكى اوى
مريم : هتقول انت مين ولا اقفل السكه فى وشك احسن
محمود : براحه شويه على نفسك دا انتى تلاقيكى مش مصدقه ان فى واحد معجب بيكى
مريم : انت محمود صح
محمود : هههههههههههههه عرفتى منين
مريم : من هزارك ياخويه عامل ايه يابنى وجبت رقمى من مين
محمود : مقدرش اقولك من مين عشان هتتعاركى معاها
مريم : مافيش غير مها اللى تقدر تديك رقمى
محمود : هههههههههههههه بصراحه اه عايزاك بقا تتعاركى معاها
مريم : تموت فالشر واخدت رقمنى ليه بقا انت مش عارف انى مش بدى رقمى لحد خالص
محمود : عارف بس عايزاك ضرورى
مريم : خير فى ايه
محمود : خير ان شاء الله ينفع اقابلك كمان نص ساعه
مريم : نعم دلوقتى الساعه 9 استحاله بابا مش هيرضى ينزلنى فالوقت دا
محمود : معلش قوليلهم هقابل صاحبتى هجيب حاجه
مريم : ليه يابنى كل دا
محمود : عايزاك فى موضوع مهم
مريم : حاضر هتصرف
محمود : ان شاء الله تيجى انتى واخوكى الصغير
مريم : ماشى هتصرف وهكلمك ماشى
محمود : ماشى
قفلت مريم وراحت قالت لمامتها وبابها انها هتقابل صاحبتها وهتاخد منها ورق عشان
عندهم مشروع لازم يتسلم بكره واخدت اخوها الصغير معاها
وفعلا نزلت وقابلت محمود فى مكان قريب ليها لان اصلا محمود ساكن فى نفس المنطقه
مريم : فى ايه يامحمود
محمود : خدى ياستى
مريم : ايه دى
محمود : دى كاميرا بالفيلم بتاعها
مريم : وانت عرفت منين انى عايزه كاميرا برده مها اللى قالتلك
محمود : لا والله ابدا انا كنت قاعد معاها وهيا بتكلمك فهمت انك عايزه كاميرا وانا عندى
مريم : لا يامحمود شكرا مش هينفع اخدها
محمود : ليه بقا
مريم : متعودتش اخد اى حاجه من اى صديق ليا
محمود : عيب عليكى مش انا اخوكى الكبير
مريم : نعم اخويه الكبير يابنى انا اكبر منك بسنه ونص
محمود : ههههههههههه ماشى انا الصغير خديها بقا عشان تصورى اختك براحتك
مريم : ميرسى اوى يامحمود ليك
محمود : العفو يامريم دى اقل حاجه اقدمها ليكى مش كفايه انك بتشرحى لينا كلنا
مريم : انا بشرح ليكم لانى فهمت ومينفعش اكون عارفه حاجه ومش اعرف غيرى
محمود : ربنا يجزيكى خير ابقى اضغطى على دا لما تصورى
مريم : ماشى يامحمود ميرسى ليك
محمود : العفو يامريم سلام ياقمر
مريم : هههههههه سلام ياحوده
فرحت جدا مريم لان صديق ليها حاول انه يساعدها من غير ماتطلب منه وهيا ماشيه
عشان تروح شافت احمد اخو هبه قدامها وهو مش شافها وهيا راحت عملت نفسها
مش شايفه لانها اتحرجت تروح تسلم عليه
عدى ايام وقت الخطوبه جاه راحت مريم وبنت عمها مع اختها الكوافير وحضروا كل حاجه
فالبيت قبل ماينزلوا وصلوا قبل العريس واهله مايوصلوا ولما وصلوا والد العريس عنده
شيخوخه بقا يتكلم كلام غريب وطبعا مريم واهلها مش يعرفوا انه عنده شيخوخه
والمفروض ان والد مريم اتفق مع وسيم واخوه ومامته على كل حاجه لكن اخوه فتح
تانى الموضوع وطبعا بقا الكل يدخل فالكلام الرجاله والستات والموضوع كان مش هيتم
وعشان والدت وسيم مش عايزه مى راحت رديت وقالت كلام جرح مى راحت مى من
عصبيتها سابتهم ودخلت اوضتها وهيا بتعيط طبعا والدها وعمها وكل الموجودين من
اهلها زعلوا وفيه اللى بيصلح وفيه اللى بيخرب الدنيا المهم اخو وسيم راح صالح مى
وخرجت تانى والموضوع اتقفل مع ان مى كانت جايبه هديه عيد الام لوالدت وسيم لانه
كمان يومين وفى نفس الوقت والدت وسيم بتبوظ الموضوع
عدى اليوم على خير ومى من جواها زعلانه بس بتحاول قدام الناس انها تبقا مبسوطه
فى اليوم التانى اتصل وسيم بمى عشان يصالحها والدته كلمتها وقالتلها مش تزعلى
دا بعد ما مى اديتها الهدايا
عدى 5 ايام على خير
وبعدها باسبوع سافر والد مريم السعوديه تبع الشركه بتاعته
اتصلت هبه بمريم عشان تعذر منها لانها مش حضرت خطوبة اختها
هبه : السلام عليكم
مريم : وعليكم السلام
هبه : ازيك يامريم عامله ايه
مريم: الحمدالله بخير وانتى
هبه : الحمدالله انا عارفه انك زعلانه منى بس والله ماما كانت تعبانه جدا
مريم : اه هاتيلى حجه بقا
هبه : والله ابدا حتى خدى هانى وهو يقولك
مريم : لا خلاص يابنتى
هبه : لا خدى هو عايز يكلمك عشان يعزمك
مريم : ماشى
هانى : ازيك يامريم عامله ايه
مريم : الحمدالله انت عامل ايه
هانى : الحمدالله بخير متزعليش من هبه والله ماما بقالها 5 ايام نايمه على السرير
مريم : ليه كدا الف سلامه عليها
هانى : الضغط على طول واطى عندها وتعبها
مريم : الف سلامه عليها سلملى عليها كتير
هانى : الله يسلمك بصى بقا ياقمر عايزاك بقا تشرفينى فى خطوبتى انتى واهلك
مريم : الف مبروك دا امتى ياهانى
هانى : هو لسه يوم الجمعه هنقره فاتحه وبعدين هنحدد وقت الخطوبه بس انا بقولك
من دلوقتى عشان مكنش نسيت اعزمك
مريم : ربنا يخليك ويتممالك على خير ان شاء الله الف مبروك ياهانى
هانى : الله يبارك فيكى عقبالك كدا
مريم : ربنا يخليك
هانى : خدى هبه معاكى اهى
هبه : صدقتيى
مريم : هعديهالك المره دى
هبه : ماشى ايه رايك فى هانى
مريم : عسوله اهو امال بتقوليلى رخم ليه يابت انتى
هبه : دا بس عشان كلمك اول مره دا غير احمد خالص
مريم : لما نشوف احمد عامل ايه صحيح
هبه : الحمدالله هيسافر بعد قريت فاتحه هانى بيومين
مريم : بجد فين
هبه : عند سلمى
مريم : اه ربنا يوفقه
هبه : يارب ياختى هبقا اكلمك واقولك الفرح امتى وكدا
مريم : ماشى ياختى سلميلى على ماما وقوللها الف سلامه عليكى
هبه : الله يسلمك سلميلى على مى وقوليلها مبروك
مريم : الله يبارك فيكى سلام
هبه : سلام
وبعد شهرين الامتحانات بدات والكل طبعا مشغول فيها وفى وسط الامتحانات والد مريم
يرجع من السفر مع انه كان هيوصل بعد 6 شهو مش شهرين ونص الكل استغرب من
نزول والدها فجأة
بعد ماوصل بيومين والدت مريم قعدت هيا ومريم ومى واخواتها الشباب عشان تقولهم والد مريم نزل ليه
ياترى بقا ليه والد مريم نزل من السعوديه ؟؟؟؟
يارب الحلقه تكون عجبتكم هنتظر رايكم
انتظروا الحلقة ال 6 بكره الساعه ال11 مساءا ان شاء الله
( بقلم / Roaa )
.jpg)
0 التعليقات:
إرسال تعليق
اكتب تعليقك هنا