الى كل بنت فاهمة كتب الكتاب غلط !! تعالى شوفى عمل ايه فيها وهرب

السلام عليكم ورحمة الله وبركاته


الموضوع ده تحذييييير لكل بنت بتتساهل مع خطيبها او حتى جوزها ( بدون دخول )
الموضوع وما فيه ان وحده صاحبتى انكتب كتابها من فترة قريبة وكان الاتفاق ان الدخول هيكون فى عيد الاضحى ان شاء الله..
المهم انه من ساعة كتب الكتاب وهو بدأ يتجاوز حدودة معاها ولما بقت تصده بقى يزعل ويسيبها بالكام يوم من غير ما يكلمها وبقت هى اللى تروح وتكلمه وتصالحة وشوية شوية بدأت تتجاوب معاه( بدون دخول )
ولكن فى يوم طلب منها انها تكون زوجته فعلا ولما رفضت قالها ان ده حقه لانه كاتب كتاب مش خاطب وقالها كمان ان الفرح قرب ومفيش اى مشكلة
يومين تلاتة وكلامه اثر عليها لغاية ما وقع المحظور وكل ما تقوله انها خايفة يقولها انتى مراتى ادام ربنا
مرة فى مرة بدأ يتغير من نحيتها وبعد ما كان مستعجل فى توضيب الشقة وشرا العفش
وقف كل حاجة بحجت ان مفييش فلوس معاه
مع انها بتقولى ان كل حاجة كان معمول حسابها المهم انه وقف كل حاجة وخد بعضه وسافر وبيقولها لما ابقى جاهز هبقى انزل
طبعا هى خايفة جداا ومش مطمنة ليه خااااااااالص وعندها احساس انه هيسيبها بأى حجة
ارجوكم يا بنات حافظوا على نفسكم واعرفى انك كل ما تتعززى كل ما بتكبرى فى عين خطيبك حتى لو هو بيبين غير كده والكلام ده هتعرفيه بعد الجواز
قسما بالله والدتى ( الله يرحمها ) كانت بتمسك الساعة فى ايديها وانا خارجة مع خطيبى ( كنا كاتبين الكتاب ) ولو كنت اتأخر شوية كانت بتبهدلنى وتقول لخطيبى
معدشى فى خروج تااااااااااانى
انتم عارفيين كان بيزعل بس بعد الجواز قالى ( دى نعم الام واللى كانت بتعمله هو الصح وانا ناوى ان شاء الله اعمل كده مع بنااااااااتى )

اللهم قد بلغت اللهم فأشهد

المصدر : منتدى فتكات